Ragnhild Akselberg Tonheim: Klimakrise og religiøsitet
Det vesle mennesket i den store verda er ein mykje
brukt trope i lyrikken. I diktsamlinga og
når det blir lyst blir det helt fantastisk av Kristin Berget kjem dette til
uttrykk på fleire plan. Mennesket verker lite og makteslaust i møtet med den
dominerande og mektige naturen. Naturframstillinga er i stor grad knytt til det økokritiske, men interessant
nok har dikta òg ein religiøs undertone. Korleis vert dei økokritiske og
religiøse aspekta knytt saman?
Det religiøse aspektet er jamt over til stade gjennom
heile samlinga, både gjennom eksplisitt ordbruk, symbolbruk og gjennom
konnotasjonar. Ord som Gud, treeinigheit og davidsstjerne har tydelege bibelske
referansar, og let seg naudig verte tolka annleis. Konnotativt
ligg det derimot gjerne ein bibelsk referanse der det òg er snakk om
naturutfordringar som fylgje av klimakrisa. Naturfenomen står sentralt i dikta,
til dømes er hav og ørken to kontrastive element som speler viktige roller. I
eit økokritisk perspektiv vil ein tenkje på stigning av hava som ein konsekvens
av klimakrisa. Dette er fakta vi veit og som allereie er i gong med å skje.
Ørkenar vil på si side verte tørrare og vekse seg større. Samstundes er hav og
ørken typiske bibelske motiv, og særleg havet er hyppig nemnt i
domedagsprofetien i Johannes’ openberring. Verset ”havet kan reise seg når som
helst” (Berget, 2017, s. 26) illustrerer nettopp dobbeltheita mellom økokrise
og religiøse undertonar. Mennesket står overfor ein mektig natur
som antyder stigningar i havet som fylgje av klimakrise, og i tillegg er religiøse
domedagsprofetiar nærverande.
Kontrasten mellom det lyse og det
mørke er framståande gjennom heile samlinga. Mørkret er den dominerande
stemninga som skapar ei gjennomgåande dyster kjensle. Tittelen styrkjer
oppfatninga av mørkret som det dominerande omstende; “og når det blir lyst blir
det helt fantastisk” legg til grunn eit fråvær av lys som ein håpar vil koma
ein dag. Altså står ein no i mørkret og ser fram til lyset som ein dag skal
koma. Dette kjem fram i fylgjande døme:
Vi står i denne mørke skogen Som ligger inntil det sorte oseanet
Bølgene bryter Barken bryter Stemmene bryter Samtalene fører vi
hver for oss (Berget, 2017, s. 38)
Bølgene bryter Barken bryter Stemmene bryter Samtalene fører vi
hver for oss (Berget, 2017, s. 38)
Her oppheld dikt-eget seg i ein mørk
skog ved eit svart osean, altså er
det ein tydeleg mørk dominans. Bilete av hav går att, og kan som sagt vera eit
bilete på både økokrise og domedagsprofetiar. Dikt-eget oppheld seg altså i
mørkret, og i fylgje tittelen er mørkret det aktuelle stadiet. Det er plausibelt
å tolka mørkret som ei tid i økokrise. Lyset kan då vera menneskelege endringar
som fører til at ein staggar eller løyser klimaendringane. Ein kan òg vera open
for ein alternativ tolking – mørket kan vise til den siste tida til menneska
som ventar domedag, og lyset som redning i form av frelse. Begge tolkingane
styrkar den dystre kjensla ved at mørket er det aktuelle stadiet. Samtalene,
som kan vera eit bilete på dialog og samarbeid, og dermed kanskje løysninga på
økokrisa, vert ikkje gjennomført.
Samlinga er som nemnt prega av ei mørk og dyster
stemning. Likevel
er det tidvis glimt av håp. Vi har allereie vore inne på korleis
tittelen legg til grunn at det ein dag vil bli lyst, det er snakk om når og ikkje viss. Eit vers som underbyggjer eit håp er fylgjande: ”Alt må
tilgis et øyeblikk / Det må finnes en nåde / som hvisker like bak” (Berget,
2017, s. 33). Her vert det uttrykt ein tanke eller eit håp om nåde og
tilgiving. Kven det er som kan tilgje
og kva denne personen/makta skal
tilgje er ikkje tydeleg, men det er nærliggjande å opne for moglegheita for at
han som skal tilgje er ein guddommeleg makt. På den måten kan ein sjå teksten i
eit domedagsperspektiv. I syndefallet finst det to utvegar; ein kan anten verta
dømd, eller ein kan oppnå frelse. Det finst altså ein positiv utveg, og det er håpet
om denne utvegen dikt-eget klamrar seg fast til. I eit økokritisk perspektiv
vil ein òg ha to moglege utfall, anten går det bra ved at mennesket finn ein
måte å handtera klimaendringane på, eller (i verste fall) går verda under.
Til tross for tidvis glimt av håp, er som sagt den
dystre stemninga dominerande i dikta. I versa ”La deg ikke lure dette er ikke et folkeeventyr Dette er vi beveger oss stadig inn / mot
mørket” (Berget, 2017, s. 31) vert det uttrykt ei
negativ utvikling. Til tross for at ein allereie er i mørkret er det ingen
grunn til å vera optimistisk, det kan faktisk verta endå mørkare. På same måte
som dikt-eget klamrar seg fast i det som kan verke som eit ”guddommeleg håp”,
skjer det motsette vel så ofte. Ein tvil kva
gjeld det guddommelege og religiøse er fleire stader nærverande, til dømes i
fylgjande vers: ”skal vi hviske bønner over den tørre sanda / og ikke vite om
noen svarer” (Berget, 2017, s. 44). Her spør dikt-eget seg om ein kan lite på
noko ein ikkje veit om vil redda ein. I fylgjande strofe skjer liknande: ”Dette er vårt første
minne: Kirken sett fra motsatt side av dalen Nedsnødd / opplyst av lyskastere / På innsiden
foregår et sakrament Fulle kar
fylles Tilgivelse deles ut Vi lyver”
(Berget, 2017, s. 37). Her har det religiøse aspektet i kraft av det rituelle eit menneskeleg drag over seg. Det vert her sagt at mennesket lyg – for seg sjølv? Det er mogeleg at utsegna viser til ein falsk tryggskap. Ved å lita på at ein større kraft vil redda ein, kan ein enklare fråskrive seg ansvar og tenkje at alt vil løyse seg til slutt.
(Berget, 2017, s. 37). Her har det religiøse aspektet i kraft av det rituelle eit menneskeleg drag over seg. Det vert her sagt at mennesket lyg – for seg sjølv? Det er mogeleg at utsegna viser til ein falsk tryggskap. Ved å lita på at ein større kraft vil redda ein, kan ein enklare fråskrive seg ansvar og tenkje at alt vil løyse seg til slutt.
I og når det
blir lyst blir det helt fantastisk nyttar Berget eit språk som knytt saman
aningar om religiøse dommedagsprofetiar med klimakrise i naturvitskapleg ånd. På
same måte som domedagen har to utgongar, frelse eller undergang, har klimakrisa
litt forenkla òg to moglege utfall – anten går det bra eller så går det under.
Det vesle mennesket på den store jorda med mektig natur kring seg er eit viktig
bilete. Biletet skapar ei kjensle av avmakt, som kan vera både naturkrefter som
fylgje av økokrise eller guddommelege makter. Å framstille økokrisa med
religiøse undertonar har ein forsterkande verknad på opplevinga av dikta. Dikt-eget
verkjer lite og makteslaust, både fysisk og sjeleleg.
Kommentarer
Legg inn en kommentar